તાપીમિત્ર ન્યુઝ,વ્યારા:વ્યારાના બિલબરા ગામે જૂની અદાવતે 55 વર્ષીય શખ્શની હત્યા કરવામાં આવી હોવાનો બનાવ વ્યારા પોલીસ મથકે ઇપીકો કલમ 302 મુજબ રજીસ્ટર કરવામાં આવી છે,જેને લઇ પોલીસ તપાસનો ધમધમાટ શરૂ થયો છે,હાલ આ મામલે હત્યારાને ઝડપી પાડી વધુ તપાસ હાથ ધરવામાં આવી છે,સુત્રો પાસેથી મળતી માહિતી મુજબ તાપી જીલ્લાના વ્યારા તાલુકાના બીલબરા ગામના દેવળ ફળિયાની સીમમા આવેલ રોડની બાજુમા તા.13મી જાન્યુઆરી નારોજ ઈજાગ્રસ્ત હાલતમાં મળી આવેલ 55 વર્ષીય શખ્સને ઈમરજન્સી સેવા 108 ની મદદથી સારવાર અર્થે ખસેડવામાં આવ્યો જેને તબીબોએ મૃત જાહેર કરતા વ્યારા પોલીસના જવાનોએ ઊંડાણપૂર્વક તપાસ હાથ ધરી હતી જેમાં હુસેનભાઇ છોટુભાઇ ગામીત નામ ના ઇસમે જૂની અદાવતે હત્યા કરી હોવાનું પોલીસ તપાસમાં જાણવા મળ્યું છે,બનાવ અંગે પ્રવિણભાઇ નરેશભાઇ ગામીત રહે,બિરબરા ગામ,દેવળ ફળિયુ-વ્યારા નાઓની ફરિયાદને આધારે,આજથી આશરે પાંચેક વર્ષ પહેલા પ્રવિણભાઇ ની ફોઇ સુમિત્રાબેન શાંતિલાભાઇ ગામીતની છોકરીને હુસેનભાઇ ગામીત નો છોકરો અનેશભાઇએ પ્રેમજાળમાં ફસાવી ગર્ભવતી બનાવી હતી અને લગ્ન કરવાની ના પાડતા તેના વિરૂધ્ધમાં વ્યારા પોલીસ સ્ટેશનમાં ફરીયાદ દાખલ કરાવેલ જેમાં અનેશભાઇ બે મહિના જેટલા સમય સુધી જેલમાં રહેલ જેની અદાવત રાખી આરોપી-હુસેનભાઇ છોટુભાઇ ગામીત રહે-ભુરીવેલ તા.વ્યારા-તાપી નાએ નરેશભાઇ જીવણભાઇ ગામીત (ઉ.વ.55) નાને માથાના ભાગે લાકડી અને પથ્થર વડે તથા ગડદા પાટુ,ફેટનો માર મારી મોતને ઘાટ ઉતારી ફરાર થઇ ગયો હતો,સમગ્ર મામલે તપાસ કરી રહેલ તાપી જીલ્લા પોલીસના જવાનોએ હત્યારાને ઝડપી પાડી વધુ તપાસ હાથ ધરી હોવાનું જાણવા મળ્યું છે,