ભરત શાહ દ્વારા તાપીમિત્ર ન્યુઝ,નર્મદા:નાંદોદ તાલુકાના કુમસગામના ત્રણ મિત્રો રવિવારે રાજપીપળા ખાતે પતંગ દોરાની ખરીદી કરી બાઈક પર પરત ઘરે જતા હતા ત્યારે ઢોલાર વિરપોર વચ્ચે પુરપાટ આવતી એક હાઇવા ટ્રકે બાઇકને અડફેટમાં લેતા ત્રણ પૈકી અનિલ રમણભાઈ વસાવા,સંદીપ શશિકાન્તભાઈ વસાવા અને ભુપેન્દ્ર વસાવા નામના ત્રણ મિત્રો ટ્રકની ટક્કરે ફંગોળાઈ જતા ગંભીર ઈજાઓ થતા ભુપેન્દ્ર વસાવાનું ઘટના સ્થળેજ મોત થયું હતું જયારે અનિલ અને સંદીપને સારવાર માટે રાજપીપળા સિવિલ લાવ્યા બાદ સંદીપની હાલત નાજુક હોય એને સુરત લઈ જવાયો હતો અને અનિલની રાજપીપળા સિવિલમાં સારવાર ચાલી રહી છે આમ ઉત્તરાયણની મજા માણવા પતંગો લઈ પરત ફરનાર ત્રણ મિત્રોના પરિવારમાં ખુશીના બદલે દુઃખ ફેલાયું હતું હાલ આમલેથા પોલીસે અકસ્માતનો ગુનો નોંધી અકસ્માત કરનાર હાઇવા ટ્રકના ચાલાક વિરુદ્ધ ગુનો નોંધી તપાસ હાથ ધરી છે.