તાપીમિત્ર ન્યુઝ,સોનગઢ:સોનગઢ-બોરદા ગામના માર્ગ ઉપર એકજ મોટર સાયકલ પર સવાર ત્રણ યુવકોને અકસ્માત નડ્યો હતો.આ બનાવમાં બે યુવકોના ઘટના સ્થળ પર જ મોતનીપજ્યા હતા,જયારે એક ઈજાગ્રસ્ત યુવાનને નજીકની હોસ્પિટલમાં સારવાર અર્થે ખસેડવામાં આવ્યો હતો.ઘટનાની જાણ થતા અકસ્માત સ્થળે પહોચેલી પોલીસ દ્વારા સમગ્ર મામલે તપાસ હાથ ધરવામાં આવી હતી. સુત્રો પાસેથી મળતી માહિતી મુજબ તાપી જિલ્લાના સોનગઢ તાલુકાના બોરદા ગામના માર્ગ ઉપર આવતું બુધવાડા (ગવલણ) મોજરાપાણી પુલ પાસે તા.૧૪મી જાન્યુઆરી નારોજ સોનગઢ ખાતે ગાડીનો હપ્તો ભરવા માટે આવી રહેલા હોન્ડા યુંનીકોર્ન મોટર સાયકલ નંબર જીજે-૨૨-જે-૫૧૭૬ પર સવાર ત્રણ યુવકોને ગમખ્વાર અકસ્માત નડ્યો હતો.એકજ મોટર સાયકલ પર સવાર ત્રણેય યુવકો મોજરાપાણી પુલ પાસેના વળાંક પાસેથી પસાર થઇ રહ્યા હતા તે વેળાએ વળાંકમા અચનાક મોટર સાયકલનો આગળનો બ્રેક મારતા સ્ટેરીંગ ઉપરનો કાબુ ગુમાવી દેતા લોખંડના એંગલ સાથે અથડાઈ હતી.જેના કારણે યુવકો ગાડી પરથી નીચે પડી જતા વિલાસભાઈ કૃષ્ણાભાઈ વસાવા (ઉ.વ.૧૮)રહે,ચીકદા ગામ,દેવજી ફળિયું,તા-ડેડીયાપાડા,જી-નર્મદા અને સ્નેહલભાઈ કોટેસિંગભાઈ વસાવા (ઉ.વ.૨૪)રહે,હોળીઆંબલી,હનુમાનફળિયું,તા-સાગબારા જી-નનર્મદા બંને યુવકોને શરીરે ગંભીર ઈજાઓ પહોંચતા ઘટના સ્થળ પર જ મોત નીપજ્યા હતા જયારે શિવરામભાઈ અમરસિગભાઇ  વસાવા રહે,નવી સાતકાશી બોરદા ફળિયુ,તા-ઉમરપાડા જી.સુરત ને જમણી આંખ પાસે તથા કપાળના ભાગે તેમજ માથાના પાછળના ભાગે ગંભીર ઇજાઓ પહોંચતા નજીકની હોસ્પિટલમાં સારવાર અર્થે ખસેડવામાં આવ્યો હતો.આ મામલે શિવરામભાઈ વસાવાની ફરિયાદને આધારે સોનગઢ પોલીસ મથકે ઇપીકો કલમ ૨૭૯,૩3૭,૩૦૪(અ) તથા એમ.વી.એક્ટ ૧૭૭,૧૮૪મુજબ બનાવ રજીસ્ટર કરવામાં આવ્યો છે,આગળની વધુ તપાસ એએસઆઈ ઠાકોરભાઇ રણછોડભાઇ કરી રહ્યા છે.