ચીનના શિનજિયાંગ વિસ્તારમાં એક એપાર્ટમેન્ટમાં આગ લાગવાથી 10 લોકોનાં મોત નીપજ્યા હતા, જ્યારે 9 અન્ય લોકો ઈજાગ્રસ્ત થઈ ગયા છે. શિનજિયાંગની રાજધાની ઉરુમચીમાં સ્થિત 21 માળનાં એપાર્ટમેન્ટમાં ગતરોજ આગ લાગી ગઈ હતી. જોકે આગ પર કાબૂ મેળવવામાં 3 કલાકનો સમય લાગ્યો. સ્થાનિક સરકારે જણાવ્યુ કે, આ ઘટનામાં ઈજાગ્રસ્ત થયેલા કોઈ વ્યક્તિનાં જીવને જોખમ નથી અને આગ લાગવાનું કારણ શોધવામાં આવી રહ્યુ છે. અમુક દિવસ પહેલા મધ્ય ચીનની એક વાણિજ્ય અને વેપાર કંપનીમાં આગ લાગવાથી 38 લોકોનાં મોત નીપજ્યા હતા. આ મામલે ચાર લોકોની ધરપકડ કરાઈ હતી. ચીનમાં જૂતા થતા મૂળભૂત ઈન્ફ્રાસ્ટ્રક્ચર, સુરક્ષાની ખરાબ વ્યવસ્થા અને અમુક મામલે સરકાર દ્વારા ભ્રષ્ટાચારનાં કારણે ઈમારતોમાં આગ લાગવાની ઘટનાઓ ઘણી સામાન્ય થઈ ગઈ છે.