મનિષા એસ. સુર્યવંશી/તાપી : સોનગઢનાં આમલીપાડા ગામનાં નંદરી પુલથી થોડે આગળ દુમદા તરફ આવતાં રોડ ઉપર રોડની સાઈડમાં ઉભા યુવકને મોપેડ બાઈક ચાલકે અડફેટમાં લેતાં અકસ્માત સર્જાયો હતો. બનાવ અંગે પોલીસે ગુનો નોંધી કાયદેસરની કાર્યવાહી હાથ ધરી હતી. મળતી માહિતી મુજબ, સોનગઢનાં આમલીપાડા ગામનાં નંદરી પુલથી થોડે આગળ દુમદા તરફ આવતાં રોડ ઉપર સાવનભાઈ વિશ્રામભાઈ ગામીત (રહે.દુમદા ગામ, નિશાળ ફળિયું, સોનગઢ)નાંઓ ગત તારીખ ૨૪/૧૨/૨૦૨૪નાં રોજ પોતાની બાઈક જીજે/૧૯/એન/૫૫૧૮ને લઈ રોડની સાઈડમાં ઉભો હતો.

તે સમયે મોપેડ બાઈક નંબર જીજે/૨૬/એએચ/૨૮૩૯નાં ચાલકે પોતાના કબ્જાની બાઈક પુરઝડપે અને ગફલતભરી રીતે હંકારી લાવી રોડની સાઈડમાં ઉભેલ સાવનભાઈ અડફેટે લેતાં અકસ્માત સર્જાયો હતો. જોકે આ અકસ્માતમાં સાવનભાઈને માથાનાં ભાગે ગંભીર ઈજા પહોચતા તેમણે સારવાર આપવામાં આવી હતી. અકસ્માત અંગે વનિતાબેન વિશ્રામભાઈ ગામીત નાંએ અજાણ્યા મોપેડ બાઈક ચાલક સામે તારીખ ૩૧/૧૨/૨૦૨૪નાં રોજ સોનગઢ પોલીસ મથકે ફરિયાદ નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.