પંજાબનાં લુધિયાણામાં એક ફેક્ટરીની બિલ્ડિંગની છત અચાનક ધરાશાયી થવાની ઘટના બની છે. જેમાં મોટી સંખ્યામાં શ્રમિકો કાટમાળ નીચે દબાયા હોવાની સંભાવના છે. આ ઘટનામાં એક શ્રમિકનું મોત થયાના સમાચાર મળી રહ્યા છે. ઘટના બનતા જ બચાવ અને રાહતની ટીમ ઘટના સ્થળે પહોંચી ચૂકી છે.

હાલ રાહત કાર્ય શરૂ કરી દેવાયું છે. મળતી માહિતી અનુસાર, ફોકલ પોઈન્ટ ફેઝ 8માં એક ફેક્ટરીની છત તૂટી બડ્યા બાદ છ શ્રમિકો ફસાયા છે. મોટાપાયે બચાવ અભિયાન ચાલી રહ્યું છે. મુખ્યમંત્રી ભગવંત માને શ્રમિકોને તાત્કાલિક બહાર કાઢવા અને સાજા હોવાની પ્રાર્થના કરી છે. આ ઘટનાએ શહેરમાં હડકંપ મચાવી દીધો છે. વહીવટીતંત્રે તમામ સાવચેતીનાં પગલાં લેવાની ખાતરી આપી છે. વહીવટીતંત્રે પરિસ્થિતિની ઊંડાણપૂર્વક તપાસ કરવા સૂચનાઓ પણ આપી છે.