વલસાડનાં ડુંગરી ગામનાં ભરા ફળિયામાં રહેતા 55 વર્ષીય, કાળીદાસ મંગાભાઈ પટેલ, ડુંગરી હાઇવે ઉપર આવેલા બાબુભાઈ ઉબાળીયાવાળાના સ્ટોલ ઉપર વોચમેન તરીકે નોકરી કરતા હતા. જોકે ચાલુ નોકરી દરમિયાન રાત્રીએ રોડની સામે કોઈક કામે ગયા હતા. ત્યાંથી પરત ફરી રહ્યા હતા. તે દરમિયાન મુંબઈ સુરત રોડ ઉપર અજાણ્યા વાહન ચાલકે અડફેટે લઈ અકસ્માત સર્જ્યો હતો. જયારે આ અકસ્માત કરીને અજાણ્યો વાહન ચાલક વાહન લઈને ફરાર થઇ ગયો હતો.

અકસ્માતની ઘટના બનતા રાહદારીઓ અને વાહન ચાલકો ઇજાગ્રસ્ત આધેડ કાળીદાસભાઈની મદદે દોડી આવ્યા હતા. સ્થાનિક લોકોએ અકસ્માત અંગે ડુંગરી પોલોસ અને 108ની ટીમને ઘટનાની જાણ કરી હતી. અકસ્માતની ઘટનાને લઈને સુરત મુંબઇ હાઇવે પ્રભાવિત બન્યો હતો. વલસાડ ડુંગરી પોલોસની ટીમ તાત્કાલિક ઘટના સ્થળે પહોંચી કાળીદાસભાઈની લાશનો કબ્જો લઈને લાશનું PM કરવી આગળની તજવીજ હાથ ધરી હતો. જયારે કાળીદાસભાઈનાં પરિવાર જનોને ઘટનાની જાણ થતાં તાત્કાલિક ઘટના સ્થળે દોડી આવ્યા હતા.