વાપીનાં ચણોદ ગામ દેસાઇવાડ ખાતે રહેતા કશ્યપ રમેશભાઈ પંચાલ (ઉ.વ.24) અર્સ કંપનીમાં એચ.આર. વિભાગમાં નોકરી કરતો હતો. જોકે તે બુધવારે સવારે ડ્યુક બાઇક નંબર GJ/15/DH/7001 લઇને નોકરીએ ગયો હતો. જ્યાંથી સાંજે ઘરે નીકળતી વખતે સરદાર ચોકથી વિનંતી નાકા તરફ જતા ડાયનામીક કંપની સામે રોડ ઉપર સાત વાગે સામેથી સ્પ્લેન્ડર બાઇક નંબર GJ/15/EA/3390 પર ડબલ સીટ આવતા ચાલકે પુરઝડપે ગાડી હંકારી સામેથી ટક્કર મારતા ત્રણેય લોકો રસ્તા પર પટકાયા હતા. જેમાં ડ્યુક ચાલક કશ્યપને માથામાં ગંભીર ઇજા અને પગમાં ફ્રેક્ચર થતાં સ્થળ ઉપર તેનું મોત થયું હતું.