એ.આર.ટી.ઓ કચેરી વ્યારા, દ્વારા મોટરીંગ પબ્લિકની સગવડતા માટે ગોલ્ડન અને સિલ્વર નંબરની પસંદગીની ફાળવણી માટે ઓનલાઈન ઈ-ઓક્શન શરૂ કરવામાં આવી છે. જે મુજબ મોટર-સાયકલ માટેનાં નંબર માટેની સીરીઝ GJ-26-AA,Q,R,S,AC તેમજ ફોર વ્હીલર માટે GJ-26-AB (RE-AUCTION) માટે શરૂ કરવામાં આવનાર છે.

 

 

 

 

 

ઈચ્છા ધરાવનાર વાહન માલિકો તેમના વાહનનોનું http://parivahan.gov.in//fancy પર ઓનલાઈન રજીસ્ટ્રેશન કરી ઈ-ઓકશનમાં ભાગ લઈ શકશે. જેમાં તા.૧૫/૦૮/૨૦૨૧ થી ૧૯/૦૮/૨૦૨૧ સુધી RE-AUCTION ઓનલાઈન માટે ફોર્મ રજીસ્ટ્રેશન તથા એપ્લિકેશન કરવાની રહેશે. તા.૨૦/૦૮/૨૦૨૧ થી તા.૨૩/૦૮/૨૦૨૧ (૦૩.૦૦ બપોર સુધી) ઈ-ઓકશનનું બિડીંગ ઓપન થશે. તથા તા.૨૩/૦૮/૨૦૨૧ના રોજ ફોર્મ આર.ટી.ઓ કચેરી વ્યારા ખાતે જમા કરવાના રહેશે.

 

 

 

 

 

અરજદારોએ ઉપરોક્ત દર્શાવેલ વેબસાઈટ ઉપર જઈને સી.એન.એ ફોર્મ વાહન ખરીદીના ૦૭ દિવસમાં ઓનલાઈન ભરવાનું રહેશે. વાહન સેલ લેટરમાં સેલ તારીખથી ૬૦ દિવસના અંદરના જ અરજદારો હરાજીમાં ભાગ લઈ શકશે તથા સમયમર્યાદાની બહારની અરજીઓ રદ કરવામાં આવશે એમ સહાયક પ્રાદેશિક વાહન વ્યવહાર અધિકારીની અખબારી યાદીમાં જણાવાયું છે.