વ્યારામાંથી પસાર થતી ઉકાઈ ડાબા કાંઠાની મુખ્ય નહેરના પાણીમાં રીક્ષા ધોવા માટે બે વ્યક્તિઓ ગયા હતા તે દરમિયાન જેઓ નહેરના પાણીમાં તણાતા જે પૈકી એકનો મૃતદેહ મળ્યો હતો, જ્યારે એકની શોધ ચાલુ હતી. સુત્રો પાસેથી મળતી માહિતી મુજબ, વ્યારા એમ.બી. પાર્ક સોસાયટીમાં રહેતા ભગવાનભાઈ વિઠ્ઠલાલભાઈ ભોંય અને રમણભાઈ ચીકુભાઇ વાઘેલા નાઓ વ્યારામાંથી પસાર થતી ઉકાઈ ડાબા કાંઠાની મુખ્ય નહેરના પાણીમાં રીક્ષા ધોવા માટે ગયા હતા. તે દરમિયાન કોઈ કારણસર બંને શખ્સ નહેરનાં પાણીમાં તણાયા હતા. જયારે તણાયેલ ભગવાનભાઈ ભોંયનો મૃતદેહ નહેરમાંથી મળી આવ્યો હતો પરંતુ રમણભાઈ વાઘેલાનો પતો મળ્યો ન હોવાથી તેમની શોધખોળ ચાલુ હતી.