મનિષા એસ. સુર્યવંશી/તાપી : સોનગઢનાં દુમદા તરફ જતાં રોડ ઉપર આવેલ એક પતરાનાં છાપરામાંથી વગર પાસ પરમિટે ઇંગ્લીશ દારૂનો જથ્થો મળી આવ્યો હતો, જોકે દારૂનું વેચાણ કરનાર લિસ્ટેડ બુટલેગરને વોન્ટેડ જાહેર કરવામાં આવ્યો હતો. મળતી માહિતી મુજબ, સોનગઢ પોલીસ સ્ટાફનાં માણસો બુધવારનાં રોજ બપોરનાં સમયે ટાઉન વિસ્તારમાં પ્રોહિ. લિસ્ટેડ બુટલેગરો તથા પ્રોહી જુગારની પ્રવૃત્તિ કરતા ઈસમો ઉપર રેઈડ કરવા નીકળેલ હતા. તે દરમિયાન ખાનગી રાહે બાતમી મળી હતી કે, સોનગઢથી દુમદા તરફ જતાં રોડ ઉપર આવેલ પતરાનાં છાપરામાં નિલેશ ઉર્ફે ટાઇસન રમણભાઈ કોંકણી (રહે.હાથી ફળિયું, સોનગઢ)નાનો ઇંગ્લીશ દારૂનું ચોરી છુપેથી છૂટક વેચાણ કરે છે.

જે બાતમીનાં આધારે પોલીસ સ્ટાફનાં માણસો બાતમીવાળી જગ્યા પર જઈ રેઈડ કરતા ત્યાં હાજર લિસ્ટેડ બુટલેગર નિલેશ ઉર્ફે ટાઇશન રમણભાઈ કોંકણી જેઓ પોલીસ માણસોને ઓળખી જતાં છાપરાની પાછળ આવેલ ઝાડી ઝાંખરાની આડ લઈને ભાગી છૂટ્યો હતો. જોકે પોલીસે છાપરામાં તથા તેની આજુબાજુ આવેલ ઝાડી ઝાંખરામાં તપાસ કરતા છાપરામાંથી વેચાણ અર્થે મુકેલ એક વિમલનાં થેલામાં અલગ-અલગ બ્રાંડની ઇંગ્લીશ દારૂનો જથ્થો મળી આવ્યો હતો તેમજ પોલીસે વધુ તપાસ કરતા આજુબાજુ ઝાડી ઝાંખરામાંથી તપાસ કરતા અલગ-અલગ જગ્યાએથી કુલ છ પ્લાસ્ટિકનાં કાળા કલરની કોથળીઓમાં આ દારૂનો જથ્થો સંતાડીને રાખ્યો હતો. જયારે પોલીસે વગર પાસ પરમિટે મળી આવેલ ઈંગ્લીશ દારૂની કુલ 454 નંગ બોટલો મળી આવી હતી જેની કિંમત રૂપિયા 39,450/- હતી. જોકે પોલીસે સ્થળ ઉપરથી ભાગી છૂટનાર લિસ્ટેડ બુટલેગર નિલેશ ઉર્ફે ટાઇશન રમણભાઈ કોંકણીને વોન્ટેડ જાહેર કરી આગળની વધુ તપાસ હાથ ધરી હતી.