સોનગઢનાં ગૌમુખ ગામનાં જંગલ વિસ્તારમાંથી દેશીદારૂ સુગંધી સંતરાની બાટલીઓ સાથે એકટીવા ચાલકને ઝડપી પાડી દારૂ અને મોપેડ મળી કુલ રૂપિયા 41,950/- નો મુદ્દામાલ કબજે કરવામાં આવ્યો હતો, જોકે એક શખ્સને વોન્ટેડ જાહેર કરવામાં આવ્યો છે.

મળતી માહિતી મુજબ, સોનગઢ તાલુકાનાં દોણ ગામનાં ગૌમુખ જંગલ વિસ્તારમાંથી પસાર થતો માર્ગ પરથી રવિવારના રોજ એક એકટીવા મોપેડ ગાડી નંબર GJ/26/D/9144ને ઝડપી પાડી તપાસ કરતા મોપેડ ચાલક હેમંતભાઈ સુમનભાઈ ગામીત (રહે.દોણ ગામ, દાદરી ફળિયું, સોનગઢ)નાને કબજામાંથી ભારતીય બનાવટનો દેશી દારૂ સુગંધી સંતરાની કુલ બાટલીઓ નંગ 239 જેની કિંમત રૂપિયા 11,950/-નો પ્રોહી મુદ્દામાલ મળી આવ્યો હતો.

જોકે, નવાપુરથી દારૂનો જથ્થો ભરી આપનાર શખ્સને વોન્ટેડ જાહેર કરવામાં આવ્યો છે. બનાવ અંગે પ્રોહી સ્કોડમાં ફરજ બજાવતા હેડ કોન્સ્ટેબલ જીગ્નેશભાઇની ફરિયાદનાં આધારે રૂપિયા 11,950/-નો પ્રોહી મુદ્દામાલ તેમજ રૂપિયા 30,000/-ની એકટીવા મોપેડ ગાડી મળી કુલ રૂપિયા 41,950/-નો મુદ્દામાલ કબજે કરી આરોપીઓ વિરુદ્ધ ગુનો દાખલ કરી કાયદેસરની કાર્યવાહી હાથ ધરવામાં આવી હતી.