સોનગઢનાં રમણીય પાર્ક વિસ્તારમાંથી મોપેડ ગાડી ઉપર વિદેશી દારૂ સપ્લાય કરતા જમાદાર ફળિયાનાં એક યુવકને એલ.સી.બી.એ ઝડપી પાડ્યો હતો. મળતી માહિતી અનુસાર, તાપી એલ.સી.બી. પોલીસ સ્ટાફના માણસોને મળેલ બાતમીનાં આધારે રવિવારના રોજ સોનગઢનાં રમણીય પાર્ક પાછળ ફળીયામાંથી એક મોપેડ ગાડી નંબર GJ/26/AA/2656ને ઝડપી પાડી હતી.

ત્યારબાદ તપાસ કરતા મોપેડ પર મુકેલ એક મીણીયા કોથળો તથા વિમલના થેલામાંથી ભારતીય બનાવટની વિદેશીદારૂ તથા બિયરની અલગ અલગ બાટલીઓ/ટીન મળી કુલ નંગ 99 જેની કિંમત રૂપિયા 9,900/-નો પ્રોહી મુદ્દામાલ સાથે મોપેડ ચાલક વિષ્ણુભાઈ ઈશ્વરભાઈ ગામીત (ઉ.વ.20, રહે.જમાદાર ફળિયું, સોનગઢ) નાની અટક કરવામાં આવી હતી.

જયારે દારૂનો મુદ્દામાલ મંગાવનાર રીનાબેન સોમાભાઈ ગામીત (રહે.શિવાજી નગર, સોનગઢ) નાને વોન્ટેડ જાહેર કરવામાં આવ્યો હતો. બનાવ અંગે પોલીસે દારૂ અને મોપેડ મળી કુલ રૂપિયા 39,900/-નો મુદ્દામાલ કબજે કરી આરોપીઓ વિરુદ્ધ સોનગઢ પોલીસ મથકે ગુનો નોંધી કાયદેસરની કાર્યવાહી હાથ ધરી હતી.