સુરત શહેરના પાલ બ્રીજ પાસે બાઇક સ્લીપ થતા ડિવાઇડર સાથે ભટકાતા ગંભીર ઇજા પામેલા વેસુની એસ.ડી.જૈન કૉલેજનાં છેલ્લા વર્ષમાં અભ્યાસ કરતા વિદ્યાર્થીનું મોત નીપજ્યું હતું. નવી સિવિલથી મળેલી વિગત મુજબ, અડાજણમાં હની પાર્ક રોડ અલકનંદા રો હાઉસમાં રહેતો 22 વર્ષીય જીતકુમાર સતીષભાઇ પટેલ વેસુની એસ.ડી જૈન કોલેજમાં છેલ્લા વર્ષમાં અભ્યાસ કરતો હતો. જોકે તે ગતરોજ કોલેજથી બાઇક પર ઘરે આવવા નીકળ્યો હતો. તે સમયે પાલ બ્રીજ નજીક હવેલી રોડ બેલેન્સ ગુમાવતા બાઇક સ્લીપ થતા ડિવાઇડર સાથે અથડાઇ હતી. જેમાં તેને ગંભીર ઇજા થતા સારવાર માટે નવી સિવિલ હોસ્પિટલમાં ખસેડાયો હતો. જયાં ફરજ પરના ડોકટરે તેને મૃત જાહેર કર્યો હતો. તેનો એક ભાઇ છે. તેના પિતા ફુલનાં ધંધા સાથે સંકળાયેલા છે. અકસ્માત અંગે પાલ પોલીસે તપાસ હાથ ધરી હતી.