બારડોલી તાલુકાનાં એક ગામનાં યુવકે 15 વર્ષની સગીરા સાથે લગ્નની લાલચે વારંવાર શરીર સંબંધ બાંધી ગર્ભવતી બનાવી દેતાં મામલો પોલીસ મથકે પહોંચ્યો હતો. જોકે સગીરાની માતાએ બારડોલી ગ્રામ્ય પોલીસ મથકમાં ફરિયાદ નોંધાવતાં પોલીસે બળાત્કાર અને પોકસો એક્ટ એહઠળ ગુનો નોંધી આગળની તપાસ હાથ ધરી હતી. મળતી માહિતી અનુસાર, બારડોલીનાં એક ગામનાં રહેતી શ્રમિક પરિવારની 15 વર્ષીય પુત્રીને ગામનાં જ સૂજીત અરવિંદભાઈ હળપતિ (ઉ.વ.22) સાથે પ્રેમસંબંધ બંધાયો હતો. જયારે સૂજીતે સગીરાને લગ્નની લાલચ આપી લાલચવી ફોસલાવી અવારનવાર તેની સાથે મરજી વિરુદ્ધ શરીર સંબંધ બાંધી તેણીને ગર્ભવતી બનાવી દીધી હતી.

હાલ સગીરાનાં પેટમાં ત્રણ મહિનાનો ગર્ભ છે જે અંગે સગીરાને પરિવારને વાત કરતાં પરિવારનાં સભ્યોના પગ તળેટી ધરતી ખસી ગઈ હતી. દરમિયાન સગીરાની માતાએ ગામનાં જ યુવક સૂજીત અરવિંદ હળપતિ (ઉ.વ.22) દ્વારા કરવામાં આવેલ દુષ્કર્મ અંગે બારડોલી ગ્રામ્ય પોલીસને જાણ કરી હતી. આમ, પોલીસે સગીરાની માતાની ફરિયાદ લઈ સૂજીત હળપતિ વિરુદ્ધ IPCની કલમ 376(2) એન, 376(3) અને પ્રોટેક્શન ઓફ ચાઇલ્ડ ફ્રોમ સેક્સ્યુઅલ ઓફેન્સ એક્ટ 2012ની કલમ 4 અને 6 મુજબ ગુનો નોંધી આગળની તપાસ હાથ ધરી હતી.