નવસારીનાં ચીખલી તાલુકાનાં દેગામ ગામના ધોડિયા વાડ ખાતે રહેતા અને વાયરિંગનું કામ કરતા વિનોદ ચુનીલાલ પટેલ (ઉ.વ.૪૬) બ્લેક ડાયમંડ સ્ટોન એન્ટરપ્રાઈઝ ક્વોરીમાં સવારના સમયે ક્રશર પ્લાન્ટમાં મોટર રીપેરિંગ નું કામ કરવા માટે ગ્રીટના કન્વેર ઉપર ચડી કામ કરી રહ્યા હતા. તે સમય દરમિયાન કામ કરતી વખતે આકસ્મિક રીતે ગ્રીટના કન્વેર ઉપરથી નીચે પટકાતા જેને માથાના ભાગે તથા છાતીના ભાગે ગંભીર ઈજા થતાં સારવાર અર્થે ચીખલીની સ્પંદન હોસ્પિટલમાં ખસેડવામાં આવ્યા હતા. જ્યાં સારવાર દરમિયાન બપોરના સમય પર જ ઉપરના ડોક્ટરે મૃત જાહેર કરતા બનાવ અંગેની ફરિયાદ શૈલેષભાઈ ચુનીલાલ પટેલે કરતા પોલીસે અકસ્માત મોતનો ગુનો નોંધી વધુ તપાસ હતી.