વલસાડનાં વાપીના ગીતાનગરમાં રહેતા અને બલીઠા ખાતે ન્યુ યાદવ રોડલાઈન્સ તથા એસ.કે. ઓટો ગેરેજ ચલાવતા મુઝાહીદ શાહીદ ખાનના ચાલકે ગત તા.૭-૧-૨૫ના રોજ ટ્રક નંબર ડીએન/૦૯/કે/૯૬૩૬ બલીઠા હાઈવેના સર્વિસ રોડ પર પાર્ક કરી હતી. જયારે બીજા દિવસે સવારે ટ્રાન્સપોર્ટર મુઝાહીદ ટ્રક પાસે ગયો તે વેળા ટ્રક ગાયબ થયાનું જણાતા ચાલક અલીહુસેન શાહને જાણ કરતા તે ઘટના સ્થળે પહોંચી ગયો હતો. આસપાસમાં શોધખોળ કરવા છતાં કોઈ ભાળ નહીં મળતા ટ્રાન્સપોર્ટરે વાપી ટાઉનમાં ટ્રક ચોરીની ફરિયાદ નોંધાવી હતી.