નવસારીનાં વિરવાડી તપોવન વિસ્તારમાં રાત્રિના સમયે નિર્જન સ્થળે આવેલ દિવાલ પર દીપડો આરામથી પસાર થતાં હોવાથી પંથકનાં લોકોમાં ભયનો માહોલ ફેલાયો છે. બનાવની વિગત એવી છે કે, સ્થાનિક દિનેશભાઇ પટેલે જણાવ્યું કે, બે દિવસ પહેલા વિરવાડી તપોવન વિસ્તારમાં એક કપલ ફરવા ગયું હતું ત્યાં દીપડો આરામ કરતો જોવા મળ્યો હતો. જોકે દીપડાનાં આંટાફેરાને લઇ સ્થાનિકોમાં ભયનો માહોલ ફેલાયો છે. જયારે છેલ્લા 20 દિવસમાં બોદાલી ગામેથી બે દીપડા વન વિભાગે મૂકેલા પાંજરામાં પૂરાયા હતા.