નવસારીનાં ધોળાપીપળા નજીક ડમ્પરે મોપેડ ચાલકને અડફેટે લેતા મોપેડ ચાલકનું ઘટના સ્થળે જ મોત નીપજ્યું હતું. જોકે આ અકસ્માત બાદ ડમ્પર ચાલક વાહન મુકીને ફરાર થઈ ગયો હતો. બનાવ અંગે પોલીસે તપાસ હાથ ધરી હતી. સુત્રો પાસેથી મળતી માહિતી અનુસાર, નવસારીનાં હાઇવે નંબર-48થી ધોળાપીપળા સ્ટેટ હાઇવે પર ગતરોજ રાત્રે મોપેડ અને ડમ્પર વચ્ચે અકસ્માત સર્જાતા મોપેડ ચાલકનું ઘટના સથે મોત નીપજ્યું હતું.

જયારે નવસારી શહેરમાં રહેતા રણછોડભાઈ માહ્યાવંશીનું આ અકસ્માતમાં મોત નીપજ્યું હતું અને અકસ્માત બાદ ડમ્પર ચાલક પોતાના કબ્જાનું વાહન છોડી ભાગી છૂટ્યો હતો. બનાવ અંગે પોલીસે ગુનો નોંધી ભાગી છુટેલ ડમ્પર ચાલકને શોધવાની કામગીરી હાથ ધરી હતી.