નર્મદા જિલ્લાનાં કેવડીયા તરફની ખાડીમાં સ્નાન કરવા ગયેલ યુવક ઊંડા પાણીમાં ગરકાવ થતાં યુવકનું ડૂબી જવાથી મોત નિપજ્યું હતું. મળતી માહિતી મુજબ, અક્ષય રઘુભાઇ તડવી (ઉ.વ.18., રહે.વ્યાધર, તા.તિલકવાડા, જિ.નર્મદા)નાઓ ગતરોજ બપોરનાં સમયમાં ગભાણા ગામે ખાડી કિનારે નાહવા માટે ગયા હતા. તે સમયે કિનારા પરથી પાણીમાં કુદકો મારતા ઉંડા પાણીમાં નાહવા માટે પડતા તરતા બરાબર આવડતુ ન હોઇ જેથી પાણીમાં ડુબી જતાં તેનું મોત નિપજ્યું હતું, જયારે સ્થાનિક તરવૈયા અને પોલીસ કાફલો દોડી આવી આ યુવકની શોધખોડ કરતા મોડી સાંજે મળી આવેલ હતો. જોકે પોલીસે યુવકને મૃત જાહેર કરી કેવડીયા પોલીસે અકસ્માત દાખલ કરી છે.