બારડોલી તાલુકાના વાંસકુઈ ગામના પટેલ ફળિયામાં રહેતો અમિતભાઈ સુમનભાઈ ચૌધરી વાંસકુઈ ગ્રામ પંચાયત ઓફિસની સામેના રોડ પરથી પસાર થઈ રહ્યો હતો તે દરમિયાન કોઈક મોટરસાઈકલ નીચે પડેલી જોવા મળી હતી.

આ મોટરસાઈકલ તેના મિત્ર પ્રદીપ રમેશભાઈ ગામીતની હોવાનું જણાતા અમિત ચૌધરીએ પ્રદીપની પત્નીને ફોન કરતા પ્રદીપ ગામીત સવારથી મોટરસાઈકલ લઈને નીકળી ગયો હોવાનું જણાયું હતું અને તેની શોધખોળ કરવા કહ્યું હતું. રાત્રે શોધખોળ દરમિયાન પ્રદીપ બેભાન હાલતમાં વાંસકુઈ ગ્રામ પંચાયત પાસે પડેલો મળી આવ્યો હતો. ચીક્કર દારૂ પીધેલા અને બેભાન હાલતમાં મળેલા તેને સારવાર માટે લઈ જવા ૧૦૮માં ફોન કરી એમ્બ્યુલન્સ બોલાવી હતી. ફરજ પરના તબીબે તપાસ કરતા તે મૃત્યુ પામેલો હોવાનું જાહેર કર્યુ હતું.