નેશનલ હેલ્થ ઓથોરિટી (NHA)એ તેની ફ્લેગશિપ સ્કીમ – આયુષ્માન ભારત ડિજિટલ મિશન (ABDM) સાથે ઈસંજીવનીના સફળ એકીકરણની જાહેરાત કરી છે. આ એકીકરણ આરોગ્ય અને પરિવાર કલ્યાણ મંત્રાલય (MoHFW)ની ટેલીમેડિસિન સેવા eSanjeevaniના વર્તમાન વપરાશકર્તાઓને સરળતાથી તેમનું આયુષ્માન ભારત આરોગ્ય ખાતું (ABHA) બનાવવા અને તેનો ઉપયોગ પ્રિસ્ક્રિપ્શન્સ, લેબ રિપોર્ટ્સ જેવા તેમના હાલના સ્વાસ્થ્ય રેકોર્ડ્સ વગેરેને લિંક કરવા અને મેનેજ કરવા માટે પરવાનગી આપે છે. વપરાશકર્તાઓ ઇસંજીવની પર ડોકટરો સાથે તેમના આરોગ્ય રેકોર્ડ્સ શેર કરવામાં પણ સક્ષમ હશે જે વધુ સારી રીતે ક્લિનિકલ નિર્ણય લેવામાં અને સંભાળની સાતત્યની ખાતરી કરવામાં મદદ કરશે.

આ એકીકરણના મહત્વ વિશે બોલતા, ડૉ. આર. એસ. શર્મા, સીઈઓ, NHAએ કહ્યું – “ABDMનો ઉદ્દેશ્ય ભારતમાં હાલના ડિજિટલ હેલ્થ સોલ્યુશન્સ અને હિતધારકોમાંના અંતરને દૂર કરવા ડિજિટલ હાઈવે બનાવવાનો છે. ABDM સાથે eSanjeevan નું એકીકરણ એ એક એવું ઉદાહરણ છે કે જ્યાં 22 કરોડ ABHA ધારકો eSanjeevani દ્વારા બનાવવામાં આવેલ તેમના આરોગ્ય રેકોર્ડને તેમની પસંદગીના હેલ્થ લોકરમાં સીધા જ લિંક અને સ્ટોર કરી શકે છે. વપરાશકર્તાઓ ઇસંજીવની પર તેમના અગાઉના લિંક કરેલા હેલ્થ રેકોર્ડને પણ ડોક્ટરો સાથે શેર કરી શકે છે અને સમગ્ર કન્સલ્ટેશન પ્રક્રિયાને પેપર-લેસ બનાવી શકે છે.”

eSanjeevani સેવા બે વેરિઅન્ટમાં ઉપલબ્ધ છે. પહેલું છે ઈસંજીવની આયુષ્માન ભારત-હેલ્થ એન્ડ વેલનેસ સેન્ટર (AB-HWC) - ડૉક્ટર-ટુ-ડૉક્ટર ટેલિમેડિસિન સેવા કે જેના દ્વારા HWCની મુલાકાત લેતા લાભાર્થીઓ હબમાં ડૉક્ટરો/હોસ્પિટલ/મેડિકલ કોલેજના નિષ્ણાતો સાથે વર્ચ્યુઅલ રીતે કનેક્ટ થઈ શકે છે જે તૃતીય આરોગ્યસંભાળ સુવિધામાં હોઈ શકે છે. આનાથી સરકાર ગ્રામીણ વિસ્તારો અને અલગ-અલગ સમુદાયોમાં સામાન્ય અને વિશિષ્ટ આરોગ્ય સેવાઓ પૂરી પાડવા સક્ષમ બનાવે છે. બીજો પ્રકાર, eSanjeevani OPD સમગ્ર દેશમાં દર્દીઓની સેવા કરી રહી છે, જે તેમને તેમના ઘરેથી સીધા ડૉક્ટરો સાથે જોડે છે. બંને આવૃત્તિઓ - eSanjeevani AB-HWC અને eSanjeevani OPD એ ABDM પ્લેટફોર્મ સાથે સંકલિત કરવામાં આવી છે.

eSanjeevani ટેલિમેડિસિન પ્લેટફોર્મ હવે અન્ય 40 ડિજિટલ હેલ્થ એપ્લિકેશન સાથે જોડાય છે જેણે તેમનું ABDM એકીકરણ પૂર્ણ કર્યું છે. સાથે મળીને, આ આરોગ્ય તકનીકી સેવાઓ દેશ માટે એક મજબૂત, આંતર-સંચાલિત અને સમાવેશી ડિજિટલ આરોગ્ય ઇકોસિસ્ટમનું નિર્માણ કરી રહી છે. ABDM સંકલિત એપ્લિકેશનો વિશે વધુ માહિતી અહીં મળી શકશે: https://abdm.gov.in/our-partners.