ડોલવણનાં કુંભીયા ગામનાં પટેલ ફળીયામાં ઘરનાં પાછળનાં ભાગેથી ૬૦ વર્ષીય વૃદ્ધને માથામાં ગંભીર ઈજા પહોંચાડી હત્યા કરાયેલી લાશ મળી આવતા પોલીસે તપાસ હાથ ધરી હતી. મળતી માહિતી મુજબ, ડોલવણ તાલુકાનાં કુંભીયા ગામનાં પટેલ ફળીયાનાં રહીશ રમેશભાઈ ચીમનભાઈ ચૌધરી ગત તારીખ ૨૩/૦૩/૨૦૨૫ નારોજ સાંજનાં સમયે કોઈ અજાણ્યા ઈસમે રમેશભાઈને કોઇક વસ્તુ માથાનાં કપાળનાં ભાગે ગંભીર ઇજા પહોંચાડી જેનું મોત નિપજાવ્યું હતું. વૃદ્ધની કોઈક અજાણ્યાએ અગમ્ય કારણોસર હત્યા કર્યાની ફરિયાદ ડોલવણ પોલીસ મથકે તારીખ ૨૪ નારોજ શૈલેષભાઈ રમેશભાઈ ચૌધરીએ કરતા પોલીસે તપાસ હાથ ધરી હતી.