ચીખલીનાં કણભઈ વડ ફળિયામાં રહેતી બે સંતાનની માતા હેતલ પટેલ પિયર જવા નીકળ્યા બાદ ગુમ થતા પોલીસે ગુમ જાણવા જોગ ફરિયાદ નોંધી વધુ તપાસ હાથ ધરી હતી.

મળતી માહિતી મુજબ, ચીખલી તાલુકાના કણભઈ વડ ફળિયા ખાતે રહેતી હેતલબેન મહેન્દ્રભાઈ પટેલ (ઉ.વ.૩૭) જે તારીખ 4 માર્ચના રોજ સવારના સમયે ઘરેથી તેજલાવ સાસરે કામકાજ અર્થે જવાનું જણાવતા પતિ મહેન્દ્ર પટેલે કણભઇ પીર ફળિયા એસ.ટી.ડેપો ખાતે મૂકી આવ્યો હતો. બાદમાં બપોરના સમયે સાસરીમાં ફોન કરી પત્ની વિશે પૂછતા સાસરીમાં આવી જ ન હોવાનું જાણવા મળતા સાગસંબંધી તેમજ આજુબાજુના વિસ્તારમાં તપાસ કરતા કોઈ ભાળ ન મળતા હતાશ થયેલા પતિ મહેન્દ્રભાઈ બચુભાઈ પટેલ (ઉ.વ.૪૭, રહે.કણભઇ વડ ફળિયા, તા.ચીખલી, જિ.નવસારી)એ ઘટના અંગે જાણવા જોગ ફરિયાદ નોંધાવી હતી.