ભરૂચનાં કુકરવાડા ગામના ગોકુલનગર ખાતે રહેતો રામચંદ્ર ગોપાલ વસાવા દવા લેવા માટે પાંચબત્તી ખાતે આવ્યો હતો. જોકે દવા નહીં મળતાં તે પરત ઘરે જતો હોઇ કુકરવાડા જવાના રોડ પર ભાથીજી મંદિર પાસે તેનો મિત્ર મહેબુબ નાશીરખાન પઠાણ (રહે.રોયલપાર્ક સોસયટી, મનુબર ચોકડી) રસ્તામાં મળતાં તેમણે મનુબર ચોકડી સુધી બેસાડી જવા કહેતાં તેમણે તેમના મિત્રને બેસાડી મનુબર ચોકડીએ જઇ રહ્યાં હતાં. તે દરમિયાન મનુબર ચોકડી આવતાં તેઓ તેમની બાઇક જમણી તરફ વાળવા જતાં એક ટ્રક ચાલકે પાછળથી આવી તેમને ટક્કર મારતાં મહેબુબ પઠાણ રોડ પર પટકાયાં હતાં. અરસામાં ટ્રકના ટાયર નીચે ચકદાઇ જવાથી તેમનું સ્થળ પર જ કમકમાટીભર્યું મોત નીપજ્યું હતું. ઘટનાને પગલે તેમણે ભરૂચ બી ડિવિઝન પોલીસમાં ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.