પલસાણા ગામનાં કાલાઘોડામાં આવેલ એક અલ્ટ્રા કંપનીના કોલોનીમાં એક ૨૯ વર્ષીય યુવકનું કંપનીની કોલોનીના મકાનની છત પરથી અકસ્માતે નીચે પડી જવાના કારણે કરુણ મોત નીપજ્યું હતું. બનાવ અંગે પલસાણા પોલીસ સ્ટેશનમાં અકસ્માત મોતનો ગુનો દાખલ કર્યો હતો. મળતી માહિતી મુજબ, હોસિરસિંઘ ઉર્ફે રજ્જુ મોહિન્દર સિંઘ મૂળ જમ્મુ અને કાશ્મીરના કઠુવા અલ્ટ્રાડેનીમ નંબર ૧૭માં રહેતો હતો. પોલીસના જણાવ્યા અનુસાર, હોસિરસિંઘ શનિવારે મળસ્કે અકસ્માતે કોલોનીના બિલ્ડિંગની છત પરથી કોઈ અગમ્ય કારણોસર નીચે પટકાયો હતો. જેના કારણે તેમને માથા અને શરીરના અન્ય ભાગોમાં ગંભીર ઈજાઓ પહોંચી હતી અને ઘટના સ્થળે જ તેમનું મોત થયું હતું. બનાવ અંગે પલસાણા પોલીસે અકસ્માત મોતનો ગુનો નોંધીને વધુ તપાસ હાથ ધરી હતી.