સુરત જિલ્લાના ઉમરપાડાના બિલવણ ગામે મોટું ફળિયુંમાં રહેતી ૩૫ વર્ષીય ભાનુબેન શૈલેષભાઈ વસાવા પોતાના ઘરે હતી તે સમયે ફેરિયાવાળાને પૈસા આપવા ઘરના આંગણામાં આવી હતી.

તે દરમિયાન જયેશ બળવંત ગામીતે અગાઉ ભાનુબેનના પતિ શૈલેષ રામસિંગભાઈ વસાવા સાથે થયેલા ઝઘડાની અદાવત રાખી ભાનુબેનના ઘરના આંગણામાં આવ્યો હતો. હેક્ઝા બ્લેડ કટર વડે ભાનુબેન પર હુમલો કરી તેમને લોહીલુહાણ કરી નાંખી જયેશ ગામીત ફરાર થઇ ગયો હતો. ઘટના અંગે ભાનુબેને ઉમરપાડા પોલીસ મથકે જયેશ બળવંત ગામીત (રહે.બિલવાણ ગામ, મોટું ફળિયું, તા.ઉમરપાડા) વિરુદ્ધ ફરિયાદ નોંધાવી હતી.