વ્યારામાંથી મહેન્દ્રા કંપનીની બોલેરા પીકઅપ ગાડી નંબર જીજે/૨૬/ટી/૭૦૦૩ને પોલીસે તારીખ ૧૫ના રોજ અટકાવી જેમાંથી ૩ ભેંસો રૂપિયા ૩૦,૦૦૦/- તથા ૩ બચ્ચા રૂપિયા ૯,૦૦૦/-ને ઉગારી લીધા હતા. જોકે પશુઓને પીકઅપમાં ખીચોખીચ ક્રુરતાપુર્વક ટુંકી દોરી વડે બાંધી, ઘાસચારા કે પાણીની સુવિધા વગર તેમજ સક્ષમ અધિકારી કે વેટરનરી ઓફિસરનું પ્રમાણપત્ર વિના ગેરકાયદેસર રીતે સરજુભાઈ ધીરૂભાઈ બોરસે (રહે.બારડોલી)ના કહેવાથી લઈ જવાતા પોલીસે કુલ રૂપિયા ૧,૮૯,૦૦૦/-ના મુદ્દામાલ સાથે ચાલક યાકુબખાન અમીરખાન પઠાણ (રહે. બારડોલી) અને મનોજભાઈ વામનભાઈ ગાયકવાડ (હાલ રહે.બારડોલી, મુળ રહે. વાલોડ, પુલ ફળીયા)ને ઝડપી પાડયા હતા અને સરજુભાઈ બોરસેને વોન્ટેડ જાહેર કરવામાં આવ્યો છે. આમ, પોલીસે વ્યારા પોલીસ મથકે ફરિયાદ નોંધી આગળની કાર્યવાહી કરવામાં આવી હતી.