વ્યારા તાલુકાનાં ખુશાલપુરા ગામની સીમમાંથી પસાર થઈ રહેલ એક ટેમ્પો પલટી મારી ગયો હતો. ત્યારબાદ ટેમ્પામાં તપાસ હાથ ધરતા દારૂનો જથ્થો હોવાનુ બહાર આવતા વ્યારા પોલીસ જાણ કરાઈ હતી જેથી વ્યારા પોલીસ ઘટના સ્થળે પહોંચી ટેમ્પો માંથી દારૂની 7896 બોટલો મળી આવી હતી જેની કીંમત રૂપિયા 5,64,000/- હતી.સુત્રો પાસેથી મળતી માહિતી અનુસાર, ખુશાલપુરા ગામની સીમમાંથી પુરઝડપે પસાર થઇ રહેલ દારૂ ભરેલ ટેમ્પો નંબર જીજે/05/બીટી/4100 જે નેશનલ હાઈવે નંબર-53 પર રવિવારે સવારનાં અરસામાં પલ્ટી મારી જતા 5 લાખથી વધુનો દારૂનો જથ્થો ઝડપાઇ ગયો હતો. આમ, પોલીસે દારૂનાં જથ્થો તેમજ ટેમ્પો મળી કુલ રૂપિયા 12.64 લાખનો મુદ્દામાલ કબ્જે કરી ભાગી છુટેલ ટેમ્પો ચાલક વિરુદ્ધ ગુનો નોંધી વધુ તપાસ હાથ ધરી હતી.