વ્યારા તાલુકાનાં રૂપવાડા ગામના બે મિત્રો રાતે લગ્નમાં જવાનું કહીને બાઈક પર નીકળ્યા હતા. ત્યારબાદ બંને યુવકોની લાશ કાજણ ગોવાળદેવ મંદિર પાછળ સાગના ઝાડ પર ફાંસો ખાધેલી હાલતમાં સોમવારે સાંજે મળી હતી અને મંગળવારે બે ડોકટરો દ્વારા પેનલ પી.એમ. કરી જરૂરી નમુના લેવાયા હતા.

રૂપવાડા આંબલી ફળિયામાં રહેતા બંને યુવકો, અનીલ ચૌધરી(ઉ.વ.21) તથા જગદીશ ચૌધરી(ઉ.વ.22) મિત્રો હતા અને બંને મિત્રો છૂટક કડિયા  કામ કરતા હતા. રવિવારે રાત્રે અનીલ અને જગદીશ કેળકુઈ લગ્નમાં જવા બાઈક પર નીકળ્યા હતા અને બીજા દિવસે કાજણ ગામની હદમાંથી ગોવાળદેવ મંદિરમાં પાછળ યુવકો ફાંસો ખાધેલી હાલતમાં મળી આવ્યા હતા.

આ ઘટના અંગે મરનારના પરિવારજનોને જાણ કરતા તેઓ ઘટના સ્થળે આવ્યા હતા. મંગળવારે સવારે વ્યારા જનરલ હોસ્પિટલમાં બે ડોકટરો દ્વારા બંને યુવકના મૃતદેહોના પેનલ પી.એમ કરાયા હતા.