તાપી જિલ્લાના સોનગઢ તાલુકાની મોડેલ સ્કૂલ ડોસવાડા મુકામે ગત તારીખ 11/12/2024નાં રોજ યોજાયેલ તાપી જિલ્લા કક્ષા બાળ ગણિત-વિજ્ઞાન પ્રદર્શન-2024-25ની ભવ્ય ઉજવણી કરવામાં આવી. યોજાયેલ બાળ ગણિત વિજ્ઞાન પ્રદર્શન 2024-25માં સમગ્ર તાપી જિલ્લાની શાળાઓમાંથી બાળ વૈજ્ઞાનિકો દ્વારા ખૂબ સુંદર કૃતિઓ રજૂ કરવામાં આવી હતી.

તાપી જિલ્લા કક્ષાએ યોજાયેલ બાળ ગણિત વિજ્ઞાન પ્રદર્શન 2024-25માં ગ્રામસેવા સમાજ વ્યારા સંચાલિત વિનોબા આશ્રમશાળા ગડતની વિભાગ-2 (પરિવહન અને સંચાર)માં રજૂ કરવામાં આવેલ કૃતિ સ્માર્ટ ટ્રાન્સપોર્ટેશન થીમ પર રજૂ કરવામાં આવી હતી જેમાં સમગ્ર તાપી જિલ્લામાં આ કૃતિ પ્રથમ ક્રમે પસંદગી પામી છે અને હવે આગળ ઝોન તેમજ રાજ્ય કક્ષાએ ભાગ લેશે. આ તકે વિજેતા બનેલ કૃતિને તાપી જિલ્લા શિક્ષણ અને તાલીમ ભવન દ્વારા શાળા અને બાળકોને પ્રમાણપત્ર તેમજ શિલ્ડ આપી સન્માનિત કરવામાં આવી હતી. તેમજ શાળાના આચાર્ય યોગેશભાઈ એસ.ગામીત અને શાળા પરિવાર દ્વારા બાળકોને અભિનંદન પાઠવ્યા હતા.