પારડીના ડુમલાવ ગામે ભીનાર ફળીયા ખાતે રહેતા ગણેશભાઈ રમણભાઈ નાયકાપટેલની પત્ની સાધનાબેન ગણેશભાઈ નાયકાપટેલ (ઉ.વ.35) જે વાપી ડુંગરી ફળીયા ખાતે કંપનીમાં નોકરી કરતી હતી અને જે ગત તા.15ના રોજ દશેરા પર્વ નિમિત્તે ડુમલાવ ગામે મહાપ્રસાદનું આયોજન થયું હતું જે દિવસે ગણેશભાઈ અને તેમના બે બાળકો મહાપ્રસાદના કાર્યક્રમાં ગયા હતા ત્યારે સાંજે સાધનાબેન થેલીમાં કપડાં લઈ રોહીણા ગામે દરજીને ત્યાં કપડાં ફિટિંગ કરાવવા જાવ છું કહી ઘરેથી નીકળી હતી. ત્યારબાદ તે મોડી રાત સુધી પરત ન ફરતા પતિએ મોબાઈલ પર ફોન કરતા સ્વીચ ઓફ આવ્યો હતો જેથી આજુબાજુ વિસ્તારમાં શોધખોળ હાથ ધરી હતી. તેમછતાં સાધનાબેનનો કોઈ પત્તો ન લાગતા ગણેશભાઈએ પારડી પોલીસ મથકે આવી સમગ્ર બાબતની જાણ કરી તેમની પત્ની ગૂમ થઈ હોવાની ફરિયાદ નોંધાવી હતી.