તાપી જિલ્લાનાં ઉકાઈનાં ભુરીવેલ ગામની સીમમાંથી નહેરમાં તણાયેલા ભત્રીજાની લાશ મળ્યાના બીજા દિવસે કાકાની પણ લાશ મળી હતી. સુત્રો પાસેથી મળતી માહિતી મુજબ, ઉકાઈ વર્કશોપ ખાટકીવાડના રહીરા સહેજાત સરફરાજ કુરેશી (ઉ.વ.10) અને અરફાત્ સરફરાજભાઈ કુરેશી (ઉ.વ.૭) ગત તારીખ ૪ નારોજ બાઈક ઉપર બેસાડીને તેમના કાકા સોહેબભાઈ સલીમભાઈ કુરેશી ઉ.વ.૨૦) ભુરીવેલ ખાતે મદરેસામાં અભ્યાસ માટે મુકવા જઈ રહ્યા હતા.

તે દરમિયાન રસ્તામાં ઉકાઈ ડાબા કાંઠાની નહેર પાસે ભુરીવેલ ગામની સીમમાં આવેલા લોખંડનાં પુલની બાજુમાં ઉકાઈ ડાભા કાંઠા નહેર પર હાથ પગ ધોવા માટે નીચે ઊતર્યા હતા. તે દરમિયાન અરફાત (ઉ.વ.૭)નો પગ લપસી જતા જે નહેરનાં પાણીમાં તણાઈ ગયો હતો ભત્રીજાને બચાવવા માટે કાકા સોહેબભાઈએ કેનાલમાં પડતું મુકયું હતું બંને તણાઈ ગયા હતા. જે પૈકી અરફાત કુરેશીની લાશ વ્યારા તાલુકાના ચાંપાવાડી ગામમાં કેનાલમાંથી મળી હતી જયારે ગુરુવારે કાકા સોહેબ કુરેશીની લાશ વ્યારા મીશનનાકા પાસે ઉકાઈ ડાબા કાંઠા મુખ્ય નહેરનાં પાણીમાં ભાટપુર માઈનર કેનાલ પાસેથી મળી આવી હતી.