ઉધનાના પાંડેસરા સર્વોદય નગર પાસેના રોડ પરથી જીજે/05/બીડબલ્યુ/3422 નંબરના ટેમ્પામાં દારૂનો જથ્થો લઇને બે ખેપિયાઓ પસાર થવાના છે. આ હકીકતના આધારે પોલીસે વોચ ગોઠવી ઉપરોકત નંબરનો ટેમ્પો આવતા તેને ઝડપી પાડ્યો હતો. પોલીસે ટેમ્પામા બેસેલા બંનેની પુછપરછ કરતા યુપી ફતેપુર જીલ્લાના વતની અને હાલ પાંડેસરા આશાપુરી સોસાયટીમાં રહેતા લુસન ઉર્ફે લખન બુધ્ધા નિશાદ અને કિશોર બિરાજ શાહુ હોવાનું જણાવ્યુ હતુ. પોલીસે ટેમ્પાની તલાસી લેતાં અંદરથી  રૂપિયા 37,200/-ની 363 નંગ દારૂની બોટલ અને પાઉચો મળી આવ્યા હતા. પોલીસે બંનેની અટક કરી ટેમ્પો, દારૂનો જથ્થો અને મોબાઇલ મળી કુલ રૂપિયા 1.12 લાખનો મુદ્દામાલ કબ્જે કરી આગળની તપાસ પાડેસરા પોલીસને સોંપી હતી.