ઉધના બી.આર.સી શક્તિનગર ઝુપડપટ્ટી પાસેથી રવિવારે મોડી સાંજે નોકરી પરથી ઘરે જતા યુવકને  લૂંટવાના ઈરાદે પાછળથી આવેલા બે અજાણ્યાઓએ છરાથી છાતી, કમર અને હાથના ભાગે ઘા મારી ગંભીર પહોંચાડી ભાગી છુટ્યા હતા.

સુત્રો પાસેથી મળતી માહિતી અનુસાર, ઉધના બી.આર..સી શક્તિનગર સોસાયટીમાં રહેતા રાજેશ શ્રી દિનદયાળ પાંડે (ઉ.વ.૨૭) રવિવારે મોડી સાંજે પોણા આઠેક વાગ્યાના આરસામાં નોકરી પરથી ઘરે આવી રહ્યો હતો. રાજેશ શક્તિનગર ઝૂપડપટ્ટી પાસે આવતા તેની પાછળ આવેલા બે અજાણ્યાઓએ છરાથી છાતી, કમર અને હાથના ભાગે હુમલો કરી ગંભીર ઈજા પહોંચાડી લૂંટની કોશીશ કરી નાસી ગયા હતા. બનાવ અંગે પોલીસે રાજેશની ફરિયાદ લઈ ગુનો દાખલ કરી બંને જણાને ઝડપી પાડવાની કામગીરી હાથ ધરી હતી.