ઉચ્છલના વાઘશેપા ગામમાંથી નશાની હાલતમાં લથડિયા ખાતા એક યુવકને ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી અનુસાર, ઉચ્છલ પોલીસ સ્ટાફના માણસો સરકારી વાહનમાં બેસી નીકળેલ હતા, તે દરમિયાન મળેલ બાતમીના આધારે, વાઘશેપા ગામના વોલ્કા ફળિયામાં રહેતા, અભિષેકભાઈ જગુભાઈ વસાવાએ વગર પાસ પરમીટે કોઈ કેફી પીણું પીધેલ હાલતમાં લથડિયા ખાતો ઝડપાઈ ગયો હતો. બનાવ અંગે પોલીસ કોન્સ્ટેબલ સુનીલભાઈની ફરિયાદના આધારે, અભિષેક વસાવા વિરુધ્ધ કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)