ઉચ્છલ તાલુકાના બેડકીનાકા પાસેથી પોલીસે પશુઓ ભરેલી ટ્રક સાથે 2 શખ્સને ઝડપી પાડ્યા હતા જયારે 1ને વોન્ડેટ જાહેર કરી કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ તાલુકાના બેડકીનાકા પાસે પોલીસને મળેલી બાતમી મુજબ વોચ ગોઠવી હતી. તે દરમિયાન સોનગઢ તરફથી પશુ ભરીને આવતી ટ્રક નંબર જીજે/02/ઝેડઝેડ/3439ને બેડકીનાકા પાસે પોલીસે અટકાવી તપાસ કરી હતી જેમાં 15 ભેંસ ભરેલી હતી અને કોઈ પણ પરવાનગી વગર કે સક્ષમ અધિકારીના પ્રમાણપત્ર વિના તેમજ પ્રાથમિક સુવિધા વિના મૂંગા પશુઓનું વહન થતું હતું. ટ્રક થતા પશુઓ મળી કુલ રૂપિયા 5 લાખથી વધુનો મુદ્દામાલ પોલીસે કબ્જે કરી આરોપી અયુબ સિંધી અને મુકબલ કુરેશીને ઝડપી પાડ્યા હતા. જયારે એક શખ્સને પોલીસે વોન્ટેડ જાહેર કરી આગળની વધુ કાર્યવાહી હાથ ધરી હતી.