તાપી જીલ્લા એલસીબી પોલીસ સ્ટાફના માણસો ને મળેલ બાતમીના આધારે આજરોજ સવાર ના સમયે આશરે 7:45 કલાકે સોનગઢ નગર માંથી પસાર થતો નેશનલ હાઇવે નંબર 53 ના ઓવર બ્રીજ ઉપરથી એક મોટર સાયકલ નંબર એમએચ/39/એઈ/8848 ને ઝડપી પાડી હતી.

તપાસ દરમિયાન બાઈક ઉપર સવાર રામદાસ કમાનજી ગાવિત અને ગુલાબ રામા ગાવિત બંને રહે, ગડત તા.નવાપુર જી.નંદુરબાર-મહારાષ્ટ્ર નાઓ પાસેથી વગર પાસ પરમીટે ભારતીય બનાવટની વિદેશીદારૂ/દેશીદારૂ સુગંધી સંતરાની કુલ બાટલી નંગ 48 જેની કિંમત રૂપિયા 24,૦૦/- નો મુદ્દામાલ મળી આવ્યો હતો. બંને આરોપીઓની પૂછ પરછમાં દારૂનો મુદ્દામાલ કાકા વાઈન શોપ નવાપુર થી ભરી લાવી વીરપુર ફાટક પાસે આવેલ ગામમાં રહેતો વિજય નામના ઇસમે દારૂ મંગાવ્યો હોવાનું જાણવા મળ્યું હતું.

બનાવ અંગે પોલીસ કોન્સ્ટેબલ જયેશભાઈ ની ફરિયાદના આધારે મુદ્દામાલ જપ્ત કરી આરોપીઓ વિરુદ્ધ સોનગઢ પોલીસ મથકે ગુનો દાખલ કરવામાં આવ્યો છે.