ભરૂચનાં જંબુસર તાલુકાનાં એક ગામમાં દિવ્યાંગ યુવતી સાથે ગામના જ બે યુવકોએ સામુહિક દુષ્કર્મ આચરવાના ગુનામાં પોલીસે બે યુવકોને નડિયાદ ગામની સીમમાંથી ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, જંબુસર તાલુકાનાં એક ગામમાં દિવ્યાંગ યુવતી સાથે ગામના જ બે હવસખોર ઈસમોએ દુષ્કર્મ આચર્યું હતું. ઘરમાં સુતેલી યુવતીની ભાભીએ બૂમાબૂમ કરતા બંને હવસખોર અંધારામાં ભાગી ગયા હતા. આ બાબતે યુવતીની માતાએ ગામના બંને ઈસમો પર તેમની પુત્રી પર થયેલા દુષ્કર્મની ફરિયાદ નોંધાવી હતી. આ બાબતે જંબુસર પોલીસ મથકનાં પોલીસ ઇન્સ્પેક્ટર એ.વી. પાણમિયાએ સાંજથી મોડી રાત સુધી જંબુસર તાલુકાના વિવિધ ગામોની સિમમાં ઓપરેશન હાથ ધરવામાં આવ્યા હતાં. તે દરમીયાન નડીયાદ ગામના સીમ વિસ્તારમાં બન્ને આરોપી સંતાયેલા છે જે હકીકત આધારે બન્ને આરોપીઓને ઝડપી પાડી રીમાન્ડ મેળવવાની તજવીજ હાથ ઘરવામાં આવી હતી.