વલસાડના પારડી પોલીસની ટીમને દમણથી એક MH/01/EE/0332 નંબરની કારમાં દારૂનો જથ્થો ભરી સુરત તરફ લઈ જવાઈ રહ્યો હોવાની મળેલી બાતમીના આધારે નેશનલ હાઈવે નંબર ૪૮ પારડી શ્રીનાથ હોટલ સામે વોચ ગોઠવી હતી અને રાત્રિના પોણા ૧૧ વાગ્યાની આસપાસ કાર પસાર થવા જતા પોલીસે અટકાવી હતી અને તલાસી લેતા કારમાંથી વિદેશી દારૂની અલગ અલગ બ્રાન્ડના દારૂની બોટલ નંગ ૨૯૨ (કિંમત રૂપિયા ૪૨,૪૬૦) મળી આવી હતી.

પોલીસે કારનો ચાલક હસમત ઉલ્લા શેર બહાદુર (ઉ.વ.૨૫, રહે. ૨૩૪, કેવિન કાલેર, ભિવંડી મહારાષ્ટ્ર, અને સાથે બેસેલો નિશિત સૂર્યદેવ યાદવ (ઉ.વ.૨૯, રહે.તુલસી સોસાયટી, કડોદરા)ની ધરપકડ કરી હતી. તેમના પાસે મળી આવેલા બે મોબાઈલ ફોન કિંમત ૧૦,૦૦૦ અને રૂપિયા ૩ લાખની કાર અને દારુ મળી પારડી પોલીસે ૩,૫૨,૪૬૦/-નો મુદ્દામાલ કબજે કરી લીધો હતો.