બારડોલી તાલુકાનાં મઢી ગામમાં વરલી મટકા જુગારના સ્થળે દરોડો પાડી રૂપિયા ૧૪,૭૩૦ અને અન્ય સાધનો પોલીસે કબજે કરી બે ઇસમોને ઝડપી પાડી એકને વોન્ટેડ જાહેર કરવામાં આવ્યો હતો. મળતી માહિતી મુજબ, બારડોલીનાં મઢી ગામની સીમમા ચંપા ફળીયામાંથી કાંટી ફળીયા જતા રોડ ઉપર આવેલ હનુમાન મંદિરની સામે ખાડી કિનારે ખુલ્લી જગ્યામાં જાહેરમાં સુરાલી ખાતે રહેતો ભુરેખાન પઠાણ નામનો ઈસમ પોતાના માણસો રાખી મુંબઈથી નીકળતા વરલી મટકાના આંકો ઉપર આવતા જતા રાહદારીઓ પાસેથી પૈસાવતી જુગાર રમી રમાડતો હોવાની બાતમી મળી હતી.

જે બાતમીના આધારે જિલ્લા એલ.સી.બી. પોલીસ ટીમ રેડ કરી હતી. ત્યાં આંકડો લખનાર વિજયભાઈ મનહરભાઈ રાઠોડ (રહે.મઢી સુરાલી, સિગન્લ ફળીયુ, બારડોલી) અને ભરત મગન ચૌધરી (રહે.સુરાલી ગામ, નવી વસાહત, બારડોલી)ની ધરપકડ કરી હતી, જયારે ભુરેખાન મેહતાબ પઠાણ (રહે.સુરાલી ગામ, બારડોલી)નાને વોન્ટેડ જાહેર કર્યો હતો. બનાવ અંગે પોલીસે સ્થળ પરથી રોકડા રૂપિયા ૧૪,૭૩૦/- અને અન્ય સાધનો કબ્જે કરી જરૂરી કાર્યવાહી હાથ ધરી હતી.