તાપી જિલ્લાનાં વાસીઓ માટે રાહતના સમાચાર સામે આવ્યા છે. જિલ્લામાં આજરોજ કોરોના પોઝિટીવનો એક પણ નવો કેસ મળી આવેલ નથી. જિલ્લામાં હવે માત્ર જ ૩ કેસ એક્ટિવ છે.

 

 

 

 

 

આરોગ્ય વિભાગ પાસેથી મળતી માહિતી મુજબ, તારીખ ૦૧લી જુલાઈનાં રોજ કોરોના પોઝિટીવ દર્દીનો એકપણ નવો કેસ નોંધાયેલ નથી. જિલ્લામાંથી કોરોના વાયરસના શંકાસ્પદ દર્દીઓના ૭૨૮ સેમ્પલ લેવામાં આવ્યા છે.

 

 

 

 

 

જિલ્લામાં આજદિન સુધી કોરોના પોઝીટીવના કુલ ૩૮૮૨ કેસો નોંધાઈ ચુક્યા છે. અત્યાર સુધી કુલ ૩૭૫૨ દર્દીઓ કોરોનાની સારવાર લઈ સાજા થયા છે. જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૨ દર્દીઓના મોત સાથે આજદિન સુધી જિલ્લામાં કુલ ૧૨૭ દર્દીઓના મોત નિપજ્યા છે.