વલસાડમાં પારડીમાં જૂની કોર્ટ પાસે આવેલ કરોડોની બે મિલકત બહેન અને બનેવીનાં અવસાન બાદ ખુદ તેના સાળાએ ખોટા દસ્તાવેજના આધારે પોતાના નામે કરી દેતાં મામલો પોલીસ સુધી પહોંચ્યો હતા. આ ઘટનામાં મૃતકનાં નાનાભાઈ અને બહેન વારસદાર હોવા છતાં તેની જાણ બહાર ગંભીર કૃત્ય કરાયું હોવાનો આરોપ પણ મુકાયો છે. પારડીમાં સ્વાધ્યાય રોડ ખાતે રહેતા રાજેશ હરિયાકરે તેમના બનેવી સરોસ મીનુ પારડીવાલા અને બહેન માયાબેન સરોસ પારડીવાલાનાં અવસાન બાદ તેઓની કરોડોની બે મિલ્કત વીલ થકી ખોટા દસ્તાવેજને આધારે પોતાના નામે કરી હતી.

આ કિસ્સામાં મૃતક સરોરના નાનાભાઈ મીનુભાઈ અને બહેન આડી લીટીના વારસદાર હોવા છતાં રાજેશ હરિયાકરે રૂ. ૭.૫૦ લાખનાં દસ્તાવેજો ઊભા કરીને બહેન બનેવીની બે મિલકતો પોતાના નામે કરી દીધી હતી. જ્યારે મૃતકના ભાઈ કાલી મીનુભાઈ પારડીવાળા કે જેઓ કેનેડા ખાતે તેમના પુત્ર પરિવાર સાથે કેનેડા રહેતા હતા અને પારડી તેમના વતને આવતા તેમને સમગ્ર મામલાની જાણ થઈ હતી. ત્યારબાદ કાલી મીનુભાઈ પારડીવાળાએ મિલકત અંગે અગાઉ કલેક્ટર કચેરીમાં સિવિલ કેસ નોંધાવ્યો હતો. જે મિલકત અંગે કાલી મીનુ પારડીવાલાએ દાવો કર્યા હતો. જે બાદ આ મામલે પોલીસ ફરિયાદ નોંધાવાઈ હતી.