દારૂની હેરાફેરી કરવાના ગુનામાં છેલ્લા પાંચ માસથી પોલીસ ચોપડે વોન્ટેડ આરોપીને સોનગઢના ઓટા ચાર રસ્તા પાસેથી ઝડપી પાડવામાં જીલ્લા એલસીબી ટીમને સફળતા મળી છે.

 

 

 

મળતી માહિતી અનુસાર તાપી જીલ્લા એલસીબી શાખાના ઇન્ચાર્જ પીઆઈ ડી.એસ.લાડ તથા હેડકોન્સ્ટેબલ લેબજીભાઇ પરબતભાઈ, અનિલભાઇ રામચંદ્રભાઇ તથા પોલીસ કોન્સ્ટેબલ વિનોદભાઈ પ્રતાપભાઇ નાઓ ખાનગી વાહનમાં બેસી સોનગઢ પોલીસ સ્ટેશન વિસ્તારમાં પેટ્રોલિંગમાં હતાં તે દરમ્યાન  હેડકોન્સ્ટેબલ લેબજીભાઇ પરબતભાઇને ખાનગી રાહે બાતમી હકીકત મળેલ કે,

 

 

 

 

સોનગઢ પોલીસ મથકે નોંધાયેલ દારૂના ગુનામાં સંડોવાયેલ વોન્ટેડ આરોપી વિપુલ ઉર્ફે વિકાસ વિનોદભાઇ ગાવીત રહે,લક્કકોટ દેવલીખાંય ફળીયું તા,નવાપુર જિ નંદુરબાર (મહારાષ્ટ્ર) નો સોનગઢના ઓટા ચાર રસ્તાં બ્રિજ નિચે ઉભો છે. તેવી બાતમીના આધારે બાતમી હકિકતવાળી જગ્યાએ જતાં બાતમી મુજબનો ઇસમને ઝડપી પાડી પૂછપરછ હાથ ધરતા પાચ માસ પહેલા સોનગઢ પોલીસ મથકે નોંધાયેલ ગુનાની કબુલાત કરી હતી. હાલ એલસીબીએ આરોપીની અટક કરી નિયમોનુસારની કાર્યવાહી હાથ ધરી હોવાનું જાણવા મળ્યું છે. આમ પાચ માસથી નાસતો ફરતો વોન્ટેડ આરોપીને ઝડપી પાડવામાં એલસીબી પોલીસ સ્ટાફના માણસોને સફળતા મળી છે.