સાગબારા તાલુકાના કોલવાણ ગામના શિક્ષક સાથે રૂપિયા ૨૬.૧૩ લાખ છેતરપિંડી કરનાર ઈસમ વિરુદ્ધ સાગબારા પોલીસ સ્ટેશનમાં છેતરપિંડીનો ગુનો દાખલ કરવામાં આવ્યો હતો.

બનાવની વિગત એવી છે કે, તારીખ ૧૬ માર્ચ નારોજ બપોરના સુમારે દિનેશ વલવી (રહે.કોલવાણ)ને વોટસએપ મોબાઈલના ધારક/વપરાશકર્તા નામની અજાણી વ્યક્તિ તથા અન્ય ફરિયાદમાં જણાવેલા અલગ-અલગ બેન્ક એકાઉન્ટના અજાણી વ્યક્તિએ પોલીસ અધિકારી તરીકે ખોટી ઓળખ આપી હતી અને ધરપકડ કરવાની ધમકી આપી ખોટા લેટરપેડ ઉપર બનાવટી સહી-સિક્કાવાળા ખોટા દસ્તાવેજો વોટસએપના માધ્યમથી મોકલી ડરાવી-ધમકાવી કુલ રૂપિયા ૨૬.૧૨ લાખ તેઓના જણાવેલા બેંક એકાઉન્ટમાં જમા કરાવડાવ્યા હતા. ઘટના અંગે સાઇબર ક્રાઈમ પોલીસ નર્મદા દ્વારા આરોપીઓ વિરુદ્ધ છેતરપીંડી/ઠગ અજાણી વ્યક્તિ વિરુદ્ધ ગુનો દાખલ કરવામાં આવ્યો હતો.