શાળા ને આપેલી નોટીસ દફતરે કરવા માટે 10 લાખની લાંચ માંગવાના પ્રકરણમાં ધરપકડ કરાયેલ તાપી જીલ્લાના શિક્ષણ અધિકારી ભરત પટેલ અને ક્લાર્ક રવીન્દ્ર ઉર્ફે જીગો પટેલ ને કોર્ટે 3 દિવસના પોલીસ રિમાન્ડ આપ્યા છે.

વ્યારા ખાતે એક  ટ્રસ્ટ સંચાલિત વિદ્યાલયમાં જિલ્લા પ્રાથમિક શિક્ષણ અધિકારી અને ઇન્ચાર્જ જિલ્લા શિક્ષણ અધિકારી ભરતભાઇ મંગળભાઇ પટેલએ ઇન્સ્પેકશનમાં મુદ્દાઓની પુર્તતા માટે શાળાને નોટિસ આપી હતી. જે મુદ્દાઓની પુર્તતા શાળા તરફથી કરાતા ફરીથી અમુક મુદ્દાઓની પુર્તતા સાથે ફરીથી નોટિસ શાળાના આચાર્યને મોકલવામાં આવી હતી. આ બાબતે આચાર્યએ રૂબરૂમાં શિક્ષણાધિકારીની મુલાકાત કરી પુર્તતા અંગે ખુલાસો કરતા નોટિસ અંગેની કાર્યવાહી દફતરે કરવા રૂપિયા 10 લાખની લાંચની માંગણી કરી હતી. જે માંગણી મુજબ ભરત પટેલે એ કલાર્ક ને રકમ લેવા મોકલી આપ્યા હતા બીજી તરફ એસીબીએ છટકાનું આયોજન કર્યું હોવાની જાણ થતા લાંચની રકમ સ્વીકારી ન હતી.

લાંચના છટકા દરમિયાન એકત્રીત થયેલ પુરાવામાં શિક્ષણાધિકારી ભરત પટેલ અને કલર્ક રવિન્દ્રકમાર એકબીજાની મદદગારીમાં 10 લાખની લાંચની માંગણી કરેલ હોવાથી બન્ને આરોપી વિરૂધ્ધમાં લાંચની માંગણીનો ગુનો દાખલ કરી ધરપકડ કરવામાં આવી હતી. રવિવાર ના રોજ એસીબી એ બને આરોપી ને વ્યારા ઈન્ચાર્જ સ્પેશિયલ એસીબી જજ ની કોર્ટ માં રજૂ કરી પાંચ દિવસ ના રિમાન્ડ ની માંગણી કરી હતી નામદાર જજ દ્વારા બુધવારે બપોરે સુધીના 03 દિવસ ના રિમાન્ડ મંજુર કર્યા હતા.