તાપી જિલ્લાના બિલ્ડરની હત્યાના પ્રકરણમાં તાપી પોલીસને વધુ એક સફળતા મળી છે. શનિવારે દેવા મરાઠીને ઝડપી પાડ્યા બાદ કોર્ટમાં હાજર કરવામાં આવ્યો હતો જ્યાં કોર્ટ દેવા મરાઠીના 1 જુન સુધીના રિમાન્ડ મંજુર કર્યા હતા. જોકે હત્યાના અંજામ આપનાર ચોથો આરોપી મન્નુંમાલિયા ઓરિસ્સાવાલાને પણ ઓરિસ્સાથી ઝડપી પાડવામાં આવ્યો છે. આ સાથે પોલીસે અત્યાર સુધી આ ગુનામાં કુલ 6 આરોપીઓની ધરપકડ કરી છે.

 

 

 

 

વ્યારામાં ગત.14 મી મે ના રોજ રાત્રીના 8-30 કલાકના અરસામાં નિશિષ શાહ નામના બિલ્ડરની ચાર અજાણ્યા ઈસમો દ્વારા નિર્મમ હત્યા કરાઈ હતી. જેમાં તાપી પોલીસે 5 ઇસમોની અટક કરી ચુકી હતી.  જે પૈકી હત્યાને અંજામ આપનાર ચોથો હત્યારો મન્નુંમાલિયા ઓરિસ્સાવાલાને ઓરિસ્સાથી ઝડપી પાડવામાં જિલ્લા પોલીસને સફળતા મળી છે.

 

 

 

 

ઉલ્લેખનીય છે કે, બિલ્ડર નિશિષ શાહની હત્યા 4 આરોપીએ તલવારના ઘા મારી કરી હતી. બિલ્ડર નિશિષ શાહની હત્યાના કેસમાં અત્યાર સુધીમાં કુલ 6 આરોપીઓની ધરપકડ કરવામાં આવી છે. જોકે આ ગુનામાં 80 હજારની સોપારી આપનાર મુખ્યસુત્રધાર નવીન ખટીક હજુ ફરાર છે.

 

 

 

 

1. પ્રતિક ખીમજીભાઈ ચુડાસમા રહે, અમરોલી-સુરત 
2. નવીન ઉર્ફે રવી ચુડામણ રહે, અમરોલી-સુરત 
3. ટીકો રબારી ઉર્ફે સંજય ઉર્ફે ટીકલો ગોવિંદભાઈ રબારી (કરમટીયા) રહે, બાબુ નગર, રામ કબીર મિલ-મઢી
4. પરિમલભાઈ જસવંતભાઈ સોલંકી રહે, બેઠેલ કોલોની, અંધારવાડી રોડ-વ્યારા
5. દેવા મરાઠી ઉર્ફે દેવાભાઈ વિનોદભાઈ જાધવ રહે, કાલી બસ્તી રેલ્વે સ્ટેશનની બાજુમાં-સુરત 
6. મન્નુંમાલિયા ઓરિસ્સાવાલા ઉર્ફે મન્નુ ગંતઈ સ્વાઈ હાલ રહે, ઉત્કલ નગર, સુમુલ ડેરી પાસે આવેલ ઝૂપડપટ્ટી-સુરત