દારૂના ગુનામાં સંડવાયેલો અને નાસતો ફરતો વોન્ડેટ આરોપી ને ડોલવણ માંથી ઝડપી પાડવામાં એ.ઓ.જી. ટીમ તાપીને સફળતા મળી છે.

મળતી માહિતી અનુસાર તાપી જીલ્લાના નાસતા ફરતા તથા બીજા જીલ્લાના ગુનાઓમાં સંડોવાયેલ હોય તેમજ તાપી જીલ્લાના નાસતા ફરતા તથા વોન્ટેડ આરોપીઓને પકડવા સુચના આપેલ હોય, જે આધારે એ.ઓ.જી. ટીમ તાપી સ્ટાફના માણસો ડોલવણ પોલીસ સ્ટેશન વિસ્તારમાં પેટ્રોલિંગમાં હતા. તે સમય દરમિયાન મળેલ બાતમીના આધારે, હર્ષદ કનુભાઈ ચૌધરી (રહે.આશ્રમ ફળીયુ,તા.ડોલવણ,જી.તાપી) નાનો, માંડવી  પોલીસ સ્ટેશનના ચોપડે નોંધાયેલ દારૂના ગુનામાં સંડોવાયેલ હોય આરોપીને ડોલવણનાં ચાર રસ્તા પાસેથી ઝડપી પાડવામાં આવ્યો હતો. હાલ આરોપીની સી.આર.પી.સી ૪૧(૧) આઇ મુજબ અટક કરી એ.ઓ.જી. ટીમ તાપી દ્વારા કાયદેસરની કાર્યવાહી હાથ ધરવામાં આવી હતી.