સોનગઢ નગરના મુસ્લીમ ફળીયું શાકભાજી માર્કેટમાં વરલી મટકાનો જુગાર રમી રમાડતા 2 ઈસમોને રોકડ રકમ અને જુગારના સાધનો સહિત કુલ રૂપિયા 16 હજારના મુદ્દામાલ સાથે ઝડપી પાડવામાં આવ્યો હતો.

મળતી માહિતી અનુસાર સોનગઢ પોલીસ સ્ટાફના માણસોને મળેલ બાતમીના આધારે, ગત તા.12મી ઓગસ્ટના રોજ મુસ્લીમ ફળીયું શાકભાજી માર્કેટમાં ચાલતા વરલી મટકાના અડ્ડા પર દરોડા પાડ્યા હતા. જેમાં ઈખ્તિયાઝભાઇ છોટુભાઇ શેખ (રહે.મુસ્લિમ ફળીયું, શાકભાજી માર્કેટ-સોનગઢ) અને વિશાલભાઈ અરવિંદભાઈ ચૌધરી (રહે.જમાદાર ફળીયું,સોનગઢ)ના બંને ઈસમો જાહેરમાં આવતાં જતાં લોકો પાસેથી મુંબઇથી નિકળતા વરલી મટકાના અંકો ઉપર પૈસાવતી હારજીતનો જુગાર રમી રમાડી રોકડા રૂપિયા 15,280/- તથા એક સેમસંગ કંપનીનો મોબાઈલ જેની કીંમત રૂપિયા 1000/- મળી કુલ્લે રૂપિયા 16,280/-ના મુદામાલ સાથે ઝડપી પાડી જુગારધારા કલમ 12(અ) હેઠળ ગુનો દાખલ કરી કાયદેસરની કાર્યવાહી હાથ ધરી હતી.