કુકરમુંડા તાલુકાના ચોખીઆમલી ગ્રૂપ ગ્રામ પંચાયતમા સમાવેશ બોરીકુવા ગામમાં પતિના અવસાન બાદ રૂમાબેન કિશોરભાઈ પાડવી (ઉ.વ.55) તેમના અપરણિત આશરે 22 વર્ષીય પુત્ર યશવંતભાઈ કિશોરભાઈ પાડવી સાથે મકાનમાં ખેત મજૂરી કરીને માતા, પુત્ર પોતાનું જીવન નિર્વાહ કરે છે. ગત રાતના આશરે 3:00 થી 3:30 કલાકે વરસાદના કારણે તેમનું ઘર ધરાશાયી થયુ હતુ જેમાં કોઈને જાન હાની થઇ નથી. પરંતુ ઘરની છત નહી રહેતા માતા અને પુત્ર મુશ્કેલીમાં મુકાયા હતા. આ ઘટનાની જાણ ચોખીઆમલી ગામના સરપંચ અને તલાટી-ક્રમ-મંત્રીને થતા સર્વે કરવા બોરીકુવા ગામે પહોંચી ગયા હતા.